الماك آند تشيز هي تقريبا اللي الناس يسمونها مكرونه بالباشاميل . الفرق إن الباشاميل لحاله مع باستا ما أشوفه شخصيا شي لذيذ بس إذا أنخلط معه جبن بكميات كبيره يصير شي ثاني .
الماك آند تشيز طبق أمريكي شعبي ماله أي علاقة بإيطاليا . هو عبارة عن صينية مكرونه أكثر من كونه طبق باستا . الأكله تتكون من مكرونه مسلوقه مخلوطه مع صوص يسمونه مورنيه ( صوص الجبن ) اللي هو واحد من تفرعات الباشاميل . هذي المكرونه لها مليون تفرع وتفرع وكل يوم يطلع أكثر و أكثر .. اللي دخل عليها مكونات غاليه مثل الفقع و اللوبستر و اللي سواها بلمسات صينية وهنديه و يابانيه و اللي يسويها بالبيكن و اللي يسويها بأنواع أجبان نادرة وغريبه … و كل شخص تقريبا عنده نسخه غير للأكله هذي ..
اليوم ماراح أتكلم عن أي تفرعات اليوم مسوي الوصفه الكلاسيكيه بنفس المقادير الموجوده في العادة في كل ماك آند تشيز . بس هذا ما يمنع إن فيه تفاصيل مهمه تخلي حتى أبسط الأشياء مميزه إذا تطبقت صح .
المقادير :ربع كيلو تقريبا مكرونه “ماكاروني” أو اللي يسمونها أكواع elbow macaroni .
٣ ملاعق كبيرة زبدة
تقريبا ٣ ملاعق كبيرة طحين
ملعقة كبيرة خردل بودرة .. ( لا تبدلون بخردل عادي ) .
٣ أكواب حليب كامل الدسم .
١/٢ كوب بصل مقطع صغار .
ورقة غار
رشة جوزة طيب ( إختياري )
فص ثوم كامل
١/٢ ملعقة صغيرة بابريكا
بيضه
٣٥٠ جرام تقريبا جبن تشيدر حاد sharp مبشور . مهم جددددددددا لحد يبدل بجبن كرفت أو جبن شرايح أو جبن سايل أو يترك الجبن كله .. التشيدر موب شرط يكون أصفر ترى يعني حاولوا قدر الإمكان يكون التشيدر من النوع القديم mature أو old .
ملح وفلفل أسود .
التغطيه :
٣ ملاعق كبيره زبده
كوب بقسماط ويفضل لو كان بقسماط ياباني panko .
الطريقة :قبل كل شي ..شكل المكرونه مهم هنا .. اللي ما يعرف شكل المكرونه اللي أقصد يكون شكلها زي كذا :[ندعوك للتسجيل في المنتدى أو التعريف بنفسك لمعاينة هذه الصورة]
اللي ما يلاقي يستخدم “بينني penne ” أو أي مكرونه بفتحة تكون ضيقة شوي . لحد يستخدم سباقيتي ولا فيتوشيني هنا ! .سخنوا الفرن على ٣٥٠ .أسلقوا الباستا في قدر كبير فيه مويه مملحة كثيره على حرارة عالية . بدون أي زيت ! .إذا وصلت الباستا مرحلة “ألدنتي” يعني تكون مستويه يعني مافيها طعم نشا بس لسا شوي قاسيه نشفوها و أغسلوها بمويه بارده عشان نوقف الطبخ وما تصير مطبوخه أكثر من اللازم . عملية غسل الباستا في الباستات العاديه خطأ كبير بس هنا ما يفرق كثير كونها صينية والصوص راح يلصق عليها .و الباستا قاعده تطبخ نسوي الصوص . في قدر نذوب الزبده على حرارة وسط ، بعد ما تذوب نحط الطحين و الخردل ونحرك إلين يكون لنا معجون ناعم بعدين ننزل الحرارة شوي . نطبخ المعجون هذا حوالي ٥ دقايق إلين يقلب لونه أشقر شوي . الحين نرفع الحراره شوي بعدين نبدأ نضيف الحليب . نحط دفعه حليب ونحرك إلين تبدأ تغلي بعدين نحط الدفعه اللي بعدها وكذا إلين يخلص كل الحليب . نضيف البصل و الثوم وورق الغار و البابريكا و جوزة الطيب ونطبخهم على غلية جدا خفيفه ١٠ دقايق تقريبا . بعد العشر دقايق نشيل فص الثوم وورقة الغار ونطفي النار .الحين نخلط حوالي ملعقتين كبار من الباشاميل على صحن صغير فيه البيضه ونحركهم زيييين . بعدين نصب اللي في الصحن الصغير عالصوص ونحرك. هذي العملية مهمه كوننا لو حطينا البيضه عالصوص علطول بتتكتل بس كذا لأ . نضيف الحين ٣/٤ الجبن على الصوص ونحرك إلين يذوب بعد ما يذوب الجبن نذوق الصوص ونزيد الملح و الفلفل حسب الرغبة . حاولوا يكون الصوص شوي مالح بس شوي موب كثير كونه بينخلط مع الباستا .[ندعوك للتسجيل في المنتدى أو التعريف بنفسك لمعاينة هذه الصورة]
نخلط الباستا مع الصوص بعدين نصبهم في صحن فرن . أو عدة صحون صغيرة لو تبون .بعدين نغطيها بباقي الجبن .
الحين نذوب الزبدة حقت التغطيه بعدين نخلطها مع البقسماط . نحط طبقة من التغطيه فوق الجبن وندخلها الفرن .[ندعوك للتسجيل في المنتدى أو التعريف بنفسك لمعاينة هذه الصورة]نخليها في الفرن إلين يذوب الجبن و تبدأ التغطيه تقلب ذهبي . حوالي نص ساعة . نطلعها ونخليها تبرد ٥ دقايق بعدين ناكلها علطول وهي حاره .[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
عجبتى ونقلتها لكم..
موضوع: ماكاروني آند تشيز .. Macaroni and Cheese 
الجمعة مايو 18, 2012 6:40 am
